A Taxi Story

Past 10pm. Pauwi na ako galing duty. Since sa Far North ako destino at uuwi pa ako ng South, I have to take a cab hanggang Maynila dahil wala nang LRT/MRT.

While on the taxi, di maiwasan na may kailangan makausap sa phone. At sa paguusap sa phone, di rin maiwasan na gumamit ng mga words na church-related like "Bro, Sis, Lokal" etc.

After the conversation, nagtanong ang driver kung (name ng isang kilalang religion) daw ba ako. Kinabahan na ako. Binalik ko yung tanong sa kanya. Sabi niya oo daw. Bingo! Tapos tinanong niya ako saang lokal daw ako. Sabi ko sa sarili ko, yari, pinagkamalan ako. Kaya nagpretend na lang ako. Sabi ko Caloocan (may nakikita kasi ako dun). Tinanong ko rin siya (para di ako mahalata). Sagot naman siya, sa keme kemerloo daw siya, pero gumaganap daw siya sa kemerloo, etc. Tinanong niya ako kung gumaganap (may tungkulin) daw ba ako o ano. Sabi ko wala. Busy ako sa trabaho kaya di ako gumaganap. Mukhang naintindihan naman niya ako kasi siya rin walang tungkulin sa kanila.

I was trying to divert the topic. Pero mukhang masaya siya na nakakuha siya ng pasaherong ka-"relihiyon" niya. Proud siya na ikwento yung pinanggalingan niya, at yung mga ginagawa niya.

Pero dito na ako mas kinabahan. Nagkwento na siya na "diba sa atin, pagka may naagrabyado, hindi tayo papayag na maapi sa atin." sagot naman ako "siyempre". Sabi niya "kaya nga nung yung isang (mataas na posisyon sa miyembrong lalaki) sa blah blah, nung binaril siya, sinugod namin yung bumaril eh. Paano ba naman, sinita kasi niya yung nagsisiga ng wire. Eh tinutukan siya ng baril. Ang ginawa niya, pumasok. Kumuha ng itak. Ang mali niya, itak ang kinuha niya. Dapat yung gamit (baril) niya. Kaya ayun, binaril siya sa ulo."

Nagtanong ako, "Ano na po nangyari dun sa bumaril"

"Sinuyod namin yung lugar. Hinanap namin. Swerte niya di namin siya nahuli. Kasi kung nagkataon, sasalvage-gin talaga namin yun"

*Gulp*. Lumingon na ako sa paligid kung safe na ba bumaba. Pero either way, magstay man ako sa taxi o bumaba man sa kalsada, parehong hindi safe. So I just continued yung pagpepretend ko na "lamig".

Edi nagtanong ako (para maiba lang ang topic), "taga saan ka kuya?"

Sagot naman siya, "taga mindanao talaga ako. Dun ako nakakilala. Kinukuha nga nila ako dun na (pangalan ng Security Group). Pero sabi ko hindi muna. Sasama na lang ako pagka may "operation".

Nagets ko agad ang ibig sabihin niya sa salitang "operation".

"Sa mindanao din, may isa dun, narape. Ang ginawa sa mga nangrape, niresbakan. Binuhusan ng gasolina. Tapos sinunog."

Wala akong ibang nasabi kundi "grabe".

Buti na lang, pababa na ako. Nagbayad na ako. Di ko alam kung eksakto lang ba ibabayad ko o bibigyan ko siya ng tip dahil sa pagkakahatid niya sa akin.

Nag-thank you ako kay kuya. Nagthank you din siya at nagsabing "ingat ka".

Panaginip

(Posted on June 22, 2012)


Iba't iba ang pananaw ng tao sa panaginip. May mga panaginip na nagkakatotoo. Meron naman totoong nangyayari pero parang panaginip lang. Ngunit mayroon namang mga panaginip na hindi lang magkakatotoo kundi kasalukuyan na palang nangyayari.

Martes ng hapon. Naglalakad ako sa lobby ng school nang lumapit sa akin yung nagseset up ng audio sa auditorium. Sabi niya, "Sis Sheila, magseset-up lang kami sa taas." Tinanong ko siya, "ay, para saan po?" Wala kasi akong idea kung ano ang meron dahil ang alam ko, hindi tuloy yung dapat na naka schedule na taping. Sabi niya, "in case lang na may biglang dumating". Agad ko naisip, si kuya? Andito na kaya si kuya? Gusto ko sana tanungin pero nahiya naman ako kaya tinanong ko na lang kung kelan ang taping ng ASOP. Inisip ko na lang, baka kasi sila yung biglang dumating. Pero sa loob loob ko, sana si Kuya.

Alas-dos ng madaling araw lang ako nakauwi at nakatulog. Ramdam ko ang pagod sa buong araw na paggawa kaya naman agad ako nakatulog at nanaginip ng isang napakagandang panaginip.

May event daw na gaganapin sa auditorium. Medyo iba ang setting ng auditorium pero alam ko, yun yung auditorium ng school. May ilang mga kilala akong tao sa panaginip ko. Isa na dun si Kuya Daniel. Binisita niya daw yung auditorium. Tinignan kung maayos ba ang pagkakagawa, etc. habang ang iba naman ay abala sa pagseset up. Nung bumaba daw ako, nakita ko daw na bukas ang ilaw ng office niya, patunay na anjan nga si kuya.

Mga alas 8 na ng umaga. Tumigil ang electric fan. Nagising ako sa brown out. Bumangon na ako. Pero kahit na puyat, ipinagpasalamat ko pa rin ang magandang umagang dumating. Pakiramdam ko kasi, ang haba ng tulog ko. Maganda ang gising dahil maganda ang panaginip.

Kinumusta ko ang lagay ng school kay Tykes. Sabi niya...

"Dumaan daw dito si KUYA. Kaninang alas-4 ng madaling araw. Tinignan lang yung auditorium."

:)